500పాయింట్లకు పైగా నష్టపోయిన సెన్సెక్స్‌…

ముంబయి: స్టాక్‌మార్కెట్లు భారీగా నష్టపోతున్నాయి. రోజు రోజుకూ క్షీణిస్తున్న రూపాయి విలువ కారణంగా మదుపర్లు ఆందోళన పడుతుండడంతో సూచీలు పడిపోతున్నాయి. దీంతోపాటు అంతర్జాతీయంగా చమురు ధరలు పెరగడం మార్కెట్లపై ప్రభావం చూపుతోంది.

ఈ రోజు సెన్సెక్స్‌ ఆరంభంలోనే 500 పాయింట్లకు పైగా పడిపోయింది. నిఫ్టీ 155 పాయింట్లకు పైగా పడిపోయి 10700 వద్ద ప్రారంభమైంది. ఉదయం 9.45 సమయానికి సెన్సెక్స్‌ 527 పాయింట్లు నష్టపోయి 35448 వద్ద ట్రేడవుతోంది. నిఫ్టీ 158 పాయింట్లు నష్టపోయి 10700 వద్ద కొనసాగుతోంది. డాలరుతో పోలిస్తే రూపాయి మారకం విలువ రూ. 73.67 వద్ద ట్రేడవుతోంది.

నేడు ఎన్‌ఎస్‌ఈలో లార్సెన్‌, భారతి ఇన్‌ఫ్రాటెల్‌, హిందాల్కో, టాటా స్టీల్‌, వేదాంత తదితర కంపెనీలు లాభపడుతున్నాయి. ఐషర్‌ మోటార్స్‌, రిలయన్స్‌, టెక్‌ మహీంద్రా, టీసీఎస్‌, గెయిల్‌ తదితర కంపెనీలు నష్టపోతున్నాయి.

Leave a Reply

Your email address will not be published. Required fields are marked *